scho wieder weekend..:)

regeboge gseht me do in hawaii recht viel, weils jo immer mal wieder regnet.. aso ufem foti isches halt nid so guet wie wens live isch, isch jo klaro..


ez bini scho recht lang do.. ;) haha, nai, aber ziit goht mol sauschnell ume do in hawaii. es isch erscht grad montag gsi und ez hemmer scho wieder friitig..
vo de schuel us gits recht cooli sache zum mache. zb. go tauche, aso ime chäfig mit de haie, oder go katamaran fahre, uf anderi inslene (da machemer aber selber, aso uf uf anderi inslene..) den chame no mit delphin go schwümme.. hahahahahaaaa, ich weiss scho wer ez iiversüchtig isch.. mamsi und ramona, ihr vilicht!? haha.. da wetti alles mache.. und e neus velo chaufi au no, den chani amig mitem velo i dschuel, isch viel eifacher.. aso ez gohts, ez isch jo spring break, aso ferie, aber wen den dschuel wieder afangt hets recht verkehr.. darum nimi den es velo, mue eh nur de berg abe fahre, bini schneller wie de bus.. und zum hei go chani jo glich de bus neh und es velo vorne druf lade.. ah jo, die hend den do ganz komischi bus reglene.. ;) zb. isches verbote zum an bode spucke (sind eh chli saue wo da mached..), den MUEME de alte leute platz mache (findi au recht so..) und eifach so paar normali sache.. aber den isches verbote zum an bode bisle oder kacken.. hahahaaa, wer macht den so was???!!! janu, gits alles.. :)

da isch so in etwa es velo woni chaufe, aso bitz andersch, has eifach mol testet.. :)

uf jede fall gfallts mir sehr guet do, ich freu mi scho, wen mir den mol endli uf di andere inslene reised.. es isch glaub nid so mega tüür.. ich cha amig miteme ma i dschuel düse wo bi mir obe wohnt (er nimmt mich amig mit, wen de bus verpass, wen de hund abhaut, wie hüt scho wieder, obwohl es gartetor zue gsi isch, jojo, de het en gheimusgang de kacker..), de schafft binere fluggsellschaft.. aso aloha air..
so gell, schriibe magi nid so, und eu intressiered jo alleg au eher dfotene.. ;)

do simmer im usgang.. isch chli blue man group gsehni grad.. :) haha.. jo ebe, solche kreuze kriegt man, nicht wahr.. ;) janu, isch jo egal.. und de monsieur ganz rechts isch den nid bsoffe, es sind nur sini linse.. ;) nai im ernst, er het eifach dauge grad zue, darum gsehts vilicht chli komisch us grad..

kennt me die?! aso ich ha kei ahnig.. ;) naaaaja, han nur schnell da dumme armband wele zeige wome au no mue alege.. ui ui ui..

cheerleader.. ;)

very nice guys.. darum simmer cheerleader.. haha, na nai.. so isches jo nid..

do hemmer wieder mol BBQ, am army-beach.. nebet dra isch ebe grad so e army museum und suscht no irgendwas.. uf jede fall isches en coole strand, ebe no mit grill und wiese und me cha beachvolleyball spiele..

army beach.. am obig..

hochzeit in hawaii.. isch chli frech, hihi, aber da hani eifach müse fotigrafiere.. ;)

super foti.. pfff.. weni dihei bin chaufi mir als ersts e neui kamera.. ;)

ostern in hawaii..

Hey guys!
es weekend isch natürli ganz toll gsi, hend jo am friitig kei schuel gha, haha.. :)
den simmer am friitig chli in oste, aso so kailua und so, eifach chli di versch. stränd go aluege, very nice gsi! ha glaub no nie so öppis gseh!!
den hani grad bi de schuelkollegin gschlofe und den hemmer en grill kauft und hend am strand BBQ gmacht, aso am samstig.. ;) da isch do immer so.. isch recht cool gsi, nur vom usgang bini recht enttüscht.. aso di einte clubs sind so im ****-viertel und de rescht isch voll amis wo spring break hend, sind bitz zu drunk und zu crazy.. :)
und ez de hammer, haha.. :) ich bin jo nonid 21gi, aso gits kei alkohol, den hani im einte club e lüchtigs bändeli müese alege, ha zwei chrüz uf dhänd übercho und han nid dörfe i dnöchi vo de bar stoh, wen di andere mir öppis geh hetted, hettemer grad alli müese go.. :D naja, aber da isch am friitig so gsi, am samstig sinds chli lockerer gsi.. naja, sache gits.. aber ich hans jo gwüsst, het jo au chöne dihei bliibe und warte bis ich 21gi bin..
es isch soo komisch, amig meint me, dases es schönste wetter isch, aber den chunts eifach go regne, es het gar kei wulche, aber es regnet eifach!!

und letscht wuche ischmer no de hund ab.. aso ich hanen jo eh nid so gern, de isch voll dure.. und den machi es garte tor uf und husch! er isch weg! nai he, bis ich de wieder igfange han, ha fascht kriese übercho und de bus hani au no verpasst.. aber i de schuel sinds nid so streng. aber ich überleg mir eh, obi söll in intensiv kurs wechsle und weg vom cambrige.. dlehrerin het zwor gseit, danis scho cha schaffe, aber ich han im moment anders im chopf wie dschuel und es lerne.. :-/ mir hends mega cool do und jo, weiss halt au nid.. :)

en rettigsschwümmer am waikiki beach.. isch dringend nötig, so abartig viel lüt hets det amig.. isch gar nid so toll zum dete go bade.. und zum lerne surfe scho gar nid, alli fahred i eim ie, es gseht au us wienen ameise huufe..
do hemmer üses eigne BBQ.. ;)
da isch üses grüppli.. :) aso natürli no d'angi, aber sie het es foti gmacht..
sonnenuntergang für ramisli.. ;)

und jetzt meine damen und herren chunt es paradies.. :D
mis paradies, so öppis schöns hani aso würkli never gseh..
hang lose.. ;) isch do so es motto (und ufem foti es zeiche dezue..) lanikai beach isch da, one of the most beautiful beach in the world.. isch bewiese.. haha..

da isch am sandy-beach..

mir hend natürli au en super reiseführer gha.. :) hihi.. suscht hettemer di meiste sache nid gfunde..




so, das langet mol.. :) cha jo nid alli fotene druf tue.. haha..

de link zu hawaii RED magazine isch vo minere hostmum.. aso es funktioniert erscht abem 1.april.. aber sie isch e cooli, aso mue ihri page au cool sii.. ;)

ALOHA!!

hoi ihr at home! :)

bi üs regnets.. haha, aber immer nur am morge meistens und i de nacht halt.. aber suscht isches sehr schön warm und es luftet immer chli, da isch no guet..
gester hani no de eint us de schwiiz troffe wo scho sit zwei johr do wohnt, isch mega cool gsi, morn hemmer ebe frei, den gömmer mit dem chli go dinsle aluege.. :) YES!

da isch vo de angi (mitschüelerin) ihrem balkon d'ussicht.. :) woooow!! sie wohnt ebe ime appartment near the waikiki beach!!

da isch d'angi und d'meli. :) sind zwei cooli hüener vo de schwiiz.. ;)


waikiki beach..

da isch üsi klass....
dmeli und ich.. tot und kaputt vor de schuel.. :) kennt me mich anders!? nai also.. ;)

ez hani leider kei ziit me zum schriibe, mue an strand.. ;) hihi..
ich freu mi uf morn uf de frei tag, wird sicher huere cool!! bye bye..

sölli wieder hei cho?!

hoi hoi ihr dihei.. :)

es wetter isch sooo wunderbar! genau wie de rescht do au! :)
es gfallt mir sehr guet, hüt bini no chli am beach gsi und so.. very nice!
do vergissi es heiweh ganz schnell.. ;) nai im ernst, ich vermiss dschwiiz scho no bitzli im moment. es isch halt alles andersch, ich kenn mich nid us und rede chani jo au nid so recht mit de lüüt do, den sägi amig eifach gar nüt.. :-/ naja, aber da chunt den scho no.. und di 1. idrück vo honolulu sind jo echt de hammer, wird sicher e cooli ziit do.. es isch halt bitzli ungwohnt, weni nid cha schwätze, so kenni mi jo gar nid! ;)
mini gastfamilie luegt mir mega und d'hostmom chunt den morn mit mir i dschuel, damit ichs au find. ;) haha.. den hani en istufigstest und hoff, ich cha es first mache. und wani no meh hoffe, isch, dani am morge schuel han und nid am mittag. ;) am mittag hani kei ziit für so gspäss. ;) hihi..

i miss you all, aber do isches au cool und ich chum siiiicher nid hei.. :) hihi..
da isch en park, i de nöchi woni den au mue i dschuel..
da isch mol en beach.. :) hets jo nid nur ein.. ;)


übrigens chönder den auf uf bilder klicke, den gsenders grösser.. so als info.. ;)

endli in hawaii.. :)

so, gester obig bini in honolulu acho.. :) das isch uf oahu. :D hihi..
es isch traumhafts wetter do! haha, am tag so ca. 29grad!! begrüesst worde bini ganz traditionell miteme bluemechranz.. ;) ABER EN RICHTIGE, FEIN SCHMÖCKENDE!!

de flug isch aber zimli müehsam gsi, hend über e stund müese warte, bis mir in NY hend chöne abflüge. und woni in LA gsi bin, bini zimli froh gsi, dani cha wiiterflüge und nid in LA bliibe, die lüt woni dete gseh han, hend mir glanget. ;)

da isch ufem weg zum flughafe, uf de brooklyn bridge.

da isch LA.. gseht scho schö us, aber naja, dlüt dete seged nid so toll.. :) da het mir au ein gseit wo ihn L.A. wohnt, aso wirds au stimme.. :)

und das isch en teil vo minere neue heimat für di nögste paar mönet.. :D
da isch d'ussicht vom huus..
und do wohni.. :)

I love NY ;)

woooow!
New York isch echt de hammer! es het so viel zum aluege, do langet mini ziit woni do bin niemols!
ich bin mit de subway zum times square gfahre und dete bini zerscht mol nid usem stune use cho. alles so riesig und mit liechter und und und.. den hani vo det us e "New York Sighseeing" gmacht. es sind so büs wie in london wome cha ue hocke und den sägeds chli wo wa isch und den chame da fotigrafiere und bi de stops chame usstige und dete chli bliibe und ufs nögste warte. aber ich bi lieber nid usgstige. suscht hetti mi sicher no verlaufe. ;) (cha guet sii, weni jo nid mol z'züri am flughafe dur di richtig sicherheitskontrolle go.. aj aj aj..)
ich han den aso sehr viel gseh bi dere tour, aber bi fascht verfrore, es isch jo au do mega chalt und es luftet no so schweinisch dezue.
nocher bini no is madame tussauds, aber elei isches halt nid so mega lustig gsi. und in mc donalds bini au no, und es isch würkli so: de big mac isch do viiiiel besser! :) haha..
den hani no wele d'freiheitsstatue go aluege, aber do mueme eeewig warte, bis me mol cha ufs schiff zum übere fahre, es wär anschiinend en mega schöne usblick gsi vom schiff us, aber wens so chalt isch tue ich mir da sicher nid a. ;)

dlüt do sind sehr fründlich immer zu mir und wens merked, danis amig nid so ganz verstoh, den redes immer langsamer. woni wieder zrugg bin hani nid gnau gwüsst, weli metro dani mue ne, den hend mir au alli immer mega nett gholfe. jaja.. :) aber polizei isch glich ständigs unterwegs und die hend so verschiedeni tön, de eint wie im fernseh und no en andere, de isch sooo nervig!! vor allem i de nacht..

so, jetzt no paar fotos:
united states post office (suuuper.. haha..)


so, das langet glaub mol.. :) ich chent tuusig anderi fotene ie tue, aber irgendwen isch gnueg.. ;)
aso wani alles gseh han (ungefähr, ich weisses jo denk nüme gnau..): times square, brooklyn bridge, manhattan brigde (bini jo gester eh scho drüber..) , empire state building, madison square garden, central park, ground zero, trump world tower, irgendwie united nations oder so, den es dütsche konsulat, haha, rockefeller center, madame tussauds, chinatown/little italy, soho, macys, de 1. lade vo victoria's secret, radio music hall, wall street... und suscht no paar sache.. :)

nocher bini wieder mit de subway zrugg gfahre, do isches chli ruhiger. ;) haha.. nai, isch no cool, de einti teil isch eifach riiiiesig, alles riiiesig und den anderi teil sind "chli".. aso chli, wa wett scho chli sii, wens 14mio. iwohner het!? ;)

1. Tag in New York

Hallo!

ez bini also in NY. :) am 1. Tag hani nüme viel gmacht, ich bi zimli k.o. gsi. bi no en burger go ässä und ha dete chli mit dene gschwätzt, wani alles sött go aluege, aber irgendwie lange das nid i 1 tag! ;)

da isch uf de brugg richtig manhattan. im hintergrund gseht me es trump building (da schwarze, het uf jede fall de chauffeur gseit. haha..) und da no wiiter hinne isch es empire state building.


ufem obere foti isch mis hoten und unne isch so chli gegend.. :) toll hä.. ;)

so, da wärs den gsi mol für hüt!

1 Tag bis zur Abreise..

so, hetzt gohts den los! :)
hüt mueni no packe und und und.. wie immer halt, no alles i de letschte minute fertig mache.
genau wie de blog au. ;) haha..
ichecke chani jo eh erscht morn, den chunts au nid druf a!

zum glück bini nonid nervös, so ruhig kenni mi gar nid. ;) hihi.. bini aber no froh, besser wie anders..

also, es nögst mol ghöred ihr scho vo mir weni in New York bin. :)

liebi grüess