Weekend-Trip North Shore

saletti..

am weekend hemmer en trip gmacht richtig northshore.. mit 4 autos und 15 lüüt.. es isch mega cool gsi, aber leider het es wetter nid so mitgspielt.. mir hend den ime hostel übernachtet, grad am meer und hend chli BBQ gmacht und am suntig simmer den wieder richtig honolulu gfahre. (es het ebe grad de ganz text glöscht, darum hani ez grad kei lust me zum alles schriibe, sorryyy!!!)

aber ebe, es isch mega cool gsi, hend viel gseh und e riese fäscht gha..

am suntig obig isch no dfamilie vo minere hostmum cho, den hemmer wieder gässä, isch mega fein gsi und sind halt voll netti lüüt.. do vermissi eu amig scho recht, weni wieder mit dene zämä bin..

ez chunt den gli de jack johnson, isch so e openair. aber leider sind die tickets wos no het meeega tür, darum müemer den mol no luege.. :)

ah und de ehemann vo üsere lehrerin schafft bi "LOST", aso die fernsehsendig. er luegt dete eifach fürs liecht und so sache. und die sendig wird nur in hawaii gmacht, niergends anders, au wens e szene vo australie, dütschland oder so het.. jaja, so lernt me zhawaii.. ;)

da isch eis vo üsne vier auto.. ford mustang. haha.. :)

nomel eis.. ;)

und nomel eis.. au mustang, isch no wichtig, so nebenbei.. ;)

da isch uf de fahrt vo honolulu richtig north shore..

üsi gruppe, in kailua..

ufem weg, es git nid nur meer do.. ;)

very nice, aso de hintergrund.. :) ich säg jo: es isch es paradies..

north shore.

en seelöwe am strand.. :)

dmeli und ich..

do gseht me no ganz chli en surfer.. haha, ha halt nid di best cam.. :(

da isch eis vo üsne zimmer im hostel.

üses BBQ uf de terasse.. :)

da isch wieder ufem heiweg richtig honolulu, leider isch do es wetter den nüme so schön gsi und den hets halt zimli schnell wolke und nebel.. aso i de berge, i de stadt regnets den eifach..

da isch vome ussichtspunkt en teil vo honolulu..

so, da wärs den wieder gsi für hüt, ich hoff, dfotene gfalled eu und hend chli en iidruck vo mim weekend. natürli isches nie so cool wie weners live gsend und videos chani leider nid uf de blog tue. aso es goht scho, aber ich mach jo immer i de schuel chli dsache..